民间传说之梁祝化蝶

2010-12-21

易起问微信公众号

　　晋朝辰光(时候)有个女子，她的名字叫祝英台，家就住在离张渚七、八里路的祝家庄，就是现今的祝陵村。她的老子(父亲)叫祝公远，家里的铜钱多得不得了，是户大财主。祝公远连养八胎都是丫头(女孩)，老公婆(夫妻)两个急佬了(着急)，那辰光女伲(女儿)勿好继承家当，一定要伢伲才好继承。到快要养第九胎的辰光，公婆两个就商量:这一个勿管他是丫头还是伢伲，总归当他伢伲养。一养下来还是个丫头，就骗人家讲"养了伢伲了"，同真的养了伢伲一样办酒做三朝，闹热飞番。眼睛一眨，祝英台已养到七、八岁了，有人家上门来做媒了。古辰光摇篮里也攀亲。祝员外心里头想，自家也是女伲，哪样(怎么)好弄(娶)媳妇呐?总是回头人家:"早来，早来，我家要等小佬(小孩)大大看。" 　　亲事好推，念书就不好推了。祝员外就请个私垫先生到家里来教，村上要念书的小佬也同祝英